(حديث باللهجة السودانية).. الغضب.. علاقات إنتهت بسببه!!

(حديث باللهجة السودانية).. الغضب.. علاقات إنتهت بسببه!!

ونسة سودانية مع د. العميري..

(مقالات باللهجة السودانية)..

الغضب، كلمة بتخرب سنين..

يا جماعة الخير..

الليلة ونسـتنا، عن شعور كلنا مرّينا بيهو..

الغضب..

الغضب ما عيب..

لأنو إحساس طبيعي..

لكن المشكلة ما في الغضب ذاتو..

المشكلة في التصرف وقت الغضب..

كم علاقة إنتهت، بكلمة إتقالت في لحظة إنفعال؟..

وكم بيت إتكسّر، عشان زول ما قدر يسيطر على لسانو؟..

الغضب لحظة وكلمة..

لكن أثر الكلمة ممكن يعيش سنين..

مرات تقول كلمة، وبعد ما تهدأ..

تتمنى لو الزمن يرجع دقيقة بس..

لكن الكلمة زي السهم..

لما يطلع، صعب يرجع..

يا أحبابي..

في لحظة الغضب

العقل بيخفّ..

والإحساس بالنفس بيكبر..

عشان كده الحكمة بتقول:

أسكت شوية..

أبعد شوية..

إتوضأ..

غيّر مكانك..

ما تناقش وإنت زعلان..

ما تاخد قرار وإنت منفعل..

وما تقول كلام، إنت ذاتك ما حتكون راضي عنو بعد ساعة..

القوة الحقيقية، ما إنك ترد بقوة..

القوة إنك تمسك نفسك، وإنت زعلان..

خلونا نكون صريحين..

الإعتذار بعد الغضب جميل..

لكن الأجمل منو، إنك تمنع الغلط من البداية..

الهدوء ما ضعف..

الصمت في لحظة الغضب حكمة..

وفي ختام ونسـتنا الليلة..

خليني أقول ليكم كلمة من القلب:

(لو زعلت، أجِّل الرد..

لو غضبت، أجِّل القرار..

وخلّي قلبك أكبر من لحظة إنفعال..)..

لأنو علاقات إتبنت في سنين..

ما تستاهل تنهدم في خمسة دقايق..

الغضب نار..

ولو ما سيطرت عليها..

بتحرقك، وتحرق أقرب الناس ليك..

د. عبدالمنعم العميري..

مدينة دنقلا_الولاية الشمالية_السودان..

الجمعة 2026/2/27م..

#مقالات_يومية_خلال_شهر_رمضان

#أنشر_ولك_الأجر