الى روح الشهيد البطل
محمد صديق
فيكٓ كاريزما وتباهي
وانت سر بادع الهي
انت في العتمة المنارة
وفي سنا الامجاد حضارة
رؤيا ثاقبة وعمق زاهي.
***
انت في وعد المشارف
قصة الالق الخرافي
المشاهد والمواقف
والشعور الحي ووافي
الحروف ترسم حنينك
سادلة في كتف القوافي
في الميادين صوت رنينك
في المدارس والمشافي
باقي يا نور القبايل
يا مطر خير الاصايل
وهجعة الليل والعوافي
***
باقي نورك في دروبنا
زي شهاب عابر سماهُ
الشهامة الفي مواقفك
اندهاش واصل مداهُ
والشجاعة الفي دواخلك
زي قمر حاضن بهاهُ
وانت يا وطن المحبة
كل اشراق ليك هبّ
ولي رحابك مبتغاهُ
في عيونك شوق ورهبة
ساكنة في الأرجاء معاهو.
معز عمر بخيت
